Adeste Fidelis
O Come, All Ye Faithful
Adeste, fideles, laeti triumphantes,
Venite, venite in Bethlehem.
Natum videte regem angelorum.
Venite adoremus, venite adoremus.
Venite adoremus Dominum.
Deum de Deo, lumen de lumine,
Gestant puellae viscera.
Deum verum, Genitum non factum.
Venite adoremus, venite adoremus.
Venite adoremus Dominum.
Cantet nunc io, chorus angelorum,
Cantet nunc aula caelestium.
Gloria, gloria in excelsis Deo!
Venite adoremus, venite adoremus.
Venite adoremus Dominum.
Ergo qui natus die hodierna,
Iesu, tibi sit gloria,
Patris aeterni verbum caro factum,
Venite adoremus, venite adoremus.
Venite adoremus Dominum.
En grege relicto, humiles ad cunas
Vocati pastores approperant:
Et nos ovanti gradu festinemus:.
Venite adoremus, venite adoremus.
Venite adoremus Dominum.
Aeterni parentis splendorem aeternum
Velatum sub carne videbimus:
Deum infantem, pannis involutum,
Venite adoremus, venite adoremus.
Venite adoremus Dominum.
Pro nobis egenum et faeno cubantem
Piis foveamus amplexibus:
Sic nos amantem quis non redamaret?
Venite adoremus, venite adoremus.
Venite adoremus Dominum.
Stella duce, Magi Christum adorantes
Aurum, tus et myrrham dant munera.
Iesu infanti corda praebeamus.
Venite adoremus, venite adoremus.
Venite adoremus Dominum.
Angeli Canunt Praecones
Hark! The Herald Angels Sing!
Angeli canunt praecones
Nuper natum Dominum.
Pacem nobis veniamque,
Erga genus humanum.
Gentes, surgite, gaudentes,
Cum caelicolis canentes,
Dei Filium, Regem,
Natum iam in Bethlehem.
Ecce, canunt angeli
Gloriam novo Regi!
Ecce, canunt angeli
Gloriam novo Regi!
Christus adoratus caelo,
In aeternum Dominus,
Sero ad nos, en, advenit,
Virginis idem partus.
Homo fieri dignate,
Ave, Deus, incarnate!
Iesu, placuit tibi,
Nobiscum sic morari.
Ecce, canunt angeli
Gloriam novo Regi!
Ecce, canunt angeli
Gloriam novo Regi!
Ecce, canunt angeli
Gloriam novo Regi!
Pacis o caelestis Princeps,
Probitatis Sol, prodis.
Lucem, vitam cunctis ferens
Salutaribus alis.
Splendorem deposuisti.
Vitam aeternam tulisti.
Levaturus mortales,
Ut bis natos nos praestes.
Ecce, canunt angeli
Gloriam novo Regi!
Ecce, canunt angeli
Gloriam novo Regi!
Aquafolia Ornatis
Deck the Halls
Aquafolia ornatis,
Fa la la la la la la la la.
Tempus hoc hilaritatis,
Fa la la la la la la la la.
Vestes claras induamus,
Fa la la la la la la la la.
Cantilenas nunc promamus,
Fa la la la la la la la la.
Canticum Turbonis
Dreidel Song
Turbo, turbo, turbo
Fictilis argilla
Ubi siccus et paratus
O turbine ludam.
Is corpus pulchrum tenet
Et tenue et breve crus,
Ac ubi fit defessus
Cadit et vinco tunc.
Dies Christi Albus
White Christmas
Diem Christi album somnio
Persimilem praeteritis,
Ubi arbores nitent
Natique ardent nolis trahae nivosis.
Diem Christi album somnio
Ut in omni charta scribo,
Dies sint festivi tibi
Et festa nivalia Christi.
Duodecim Dies Natalis
The 12 Days of Christmas
Primo die Natalis amator dedit mi
perdicem in piro.
S'cunda die Natalis amator dedit mi
duos turtures
et perdicem in piro.
Tertia die Natalis amator dedit mi
tres gallinas, &c
Quarta die Natalis amator dedit mi
quattuor aves, &c
Quinta die Natalis amator dedit mi
quinque anulos, &c
Sexta die Natalis amator dedit mi
sex anseres, &c
Sept'ma die Natalis amator dedit mi
septem cygnos nantes, &c
Octava die Natalis amator dedit mi
octo quae mulgent, &c
Nona die Natalis amator dedit mi
novem salt'trices, &c
Dec'ma die Natalis amator dedit mi
decem salt'tores, &c
Undec'ma die Natalis amator dedit mi
undecim tibicines, &c
D'odec'ma die Natalis amator dedit mi
duodecim qui pulsant, &c
Frigus Vir Nivis
Frosty the Snowman
Frigus vir nivis
Erat hilaris, felix
Cum suo pipo et naso parvo
Et carbonis oculis.
Frigus vir nivis
Est fabula mira;
Fit nivis sed liberi sapiunt
Eum vixisse quondam.
Existet est vis mira
In petaso invento,
Nam hunc cum ill' induissent
Tum circumsaluit.
O, Frigus vir nivis
Erat quam vivissimus
Et dicunt illum ludere et
Ridere similem nobis.
Pulsate pulsu, pulsate pulsu
Ecce Frigus it!
Pulsate pulsu, pulsate pulsu
Trans nivem currit!
Nox Silens
Silent Night
Nox silens! sancta nox!
En tranquilla omnia;
Cubat virgo cum nato mater.
Infans sancte, mollis, tener,
Dormi tu placide,
Dormi tu placide.
Nox silens! sancta nox!
Circumfulget gloria;
Primi pastores sentiunt;
Angeli Alleluia! canunt;
Christus Salvator adest!
Christus Salvator adest!
Nox silens! sancta nox!
Nati Deo e vultu
Clare verus amor lucet;
Nobis salutis spes affulget,
Nato te, O Iesu.
Nato te, O Iesu.
O Abies
O Christmas Tree
O abies, o abies,
Fidissima cum fronde,
Virens aestatis tempore,
Virens nivosa hieme,
O abies, o abies,
Fidissima cum fronde!
O abies, o abies,
Tu mihi valde places:
Quotiens natali tempore
Delectavisti me fronde,
O abies, o abies,
Tu mihi valde places.
O abies, o abies,
Veste tua me doces:
Spes gignunt et constantia
Semper vires, solacia;
O abies, o abies,
Veste tu me doces.
O Hanukkah
O Hanukkah, O Hanukkah,
Accende Menorah,
Conviv'um habe'amus et
Saltemus Horam!
Congregate ad mensam
Ti' damus delectationem.
Turbo ludendum et lagana edendum (elide & slur a lot!)
Et dum nos saltamus,
Candelae deflagrant.
Una pro nocte
Dulciter ardent
Admonitum dies praeterritos
O, Parve Vice Bethlehem
O, Little Town of Bethlehem
O parve vice Bethlehem,
Quam tacite dormis,
Et spectant alta sidera
De caerulis caelis.
Sed in obscuris viis
Tu hodie tenes,
Aeterna luce fulgente,
Annorum omnes spes!
Nam Iesus Christus natus est;
Et laeti angeli,
Infantem sanctum mirantur
Dum dormiunt populi.
O, stellae, conclamate,
Nostrum redemptorem,
Atque laudes deo regi,
Mortalibus pacem!
O, Viri, Este Hilares
God Rest Ye, Merry Gentlemen
O, viri, este hilares et bono animo;
Salvator Christus natus est hoc tempore festo,
Ut nos errantes liberet summo periculo.
O laetissimum nuntium, laetissimum,
O laetissimum nuntium.
De caelo Pater misit in terram angelum,
Qui quosdam ad pastores afferret nuntium,
In Bethlehem natus esse ipsius filium.
O laetissimum nuntium, laetissimum,
O laetissimum nuntium.
Quo cognito pastores, completi gaudio,
Relictis statim gregibus in imbr'et in vento,
Approperant in urbem visendi studio.
O laetissimum nuntium, laetissimum,
O laetissimum nuntium.
Eo cum pervenissent, viderunt parvulum
Cubantem in praesaepio in faeno pecorum,
Dum mater nixa genibus adorat Dominum.
O laetissimum nuntium, laetissimum,
O laetissimum nuntium.
Nunc collaudemus Dominum omnes qui adsumus,
Amore vero inter nos dilecti penitus;
Nam omnium dierum hic est faustissimus.
O laetissimum nuntium, laetissimum,
O laetissimum nuntium.
Procul in Praesaepi
Away in a Manger
Procul in praesaepi et sine lecto,
En, parvulus Iesus dormit in faeno;
Stellaeque micantes despectant eum
Tranquillo in somno, nostrum Dominum.
Dum mugiunt boves, expergiscitur,
Nec tamen ex illo auditur murmur.
Amo te, mi Iesu! De caelo specta,
Et usque ad lucem, precor, mi adsta.
Es, Domine, mecum, te rogo; mane
Me iuxta aeterno, et dilige me.
Pueruli omnes in cura tua
Fac uti fruantur aeterna vita.
Puer Nobis Nascitur
Unto us a Boy is Born
Puer nobis nascitur, Rector angelorum,
In hoc mundo pascitur Dominus dominorum.
In praesepe ponitur Sub foeno asinorum,
Cognoverunt dominum Christum regem caelorum.
Hinc Herodes timuit Magno cum dolore
Et pueros occidit Infantes cum livore.
Qui natus est ex Maria Die hodierna,
Ducat nos cum gratia Ad gaudia superna.
O et A et A et O Cum cantibus in choro
Cum canticis et organo Benedicamus domino.
Rudolphus
Rudolphus cervus nasum
Rubicundum habebat
Quem si videre possis
Elucere referas.
Ludificare cervi
Deridentes solebant,
Neque sinebant eum
Comminus colludere.
Ecce! Dixit Nicholas
Pridie festum
"O Rudolphe nocte hac
Visne traham ducere?"
Quam tunc iucundus fuit
Cervis iubilantibus.
"Rudolphe," nunc dicebant.
"Notus eris posteris!"
Sit Prosperus Iesus Nati
We Wish You a Merry Christmas
by Franz Schlosser
ISBN 0-86516-315-4.
Sit prosperus Iesus nati ... 3x
Dies, novus annus.
Ch: Ne vobis ingrata
Sint nostra nuntiata,
Sit prosperus Iesus nati
Dies, novus annus.
E domo afferte libum ... 3x
Bonum libum ad nos
Si vultis ut abeamus ... 3x
Hoc afferte ad nos!
Tinnitus
Tinnitus, tinnitus, semper tinnitus
O tantum est gaudium dum vehimus in traha
Tinnitus, tinnitus, semper tinnitus
O tantum est gaudium dum vehimus in traha
Nantes per nives
in aperta trahea
trans agros imus
omnes ridentes
Tintini tintinant
Animose sic
Laetissimi nos canimus
Canticum hac nocte
O... Tinnitus, tinnitus, &c
Veni Veni Emmanuel
O Come, O Come, Emmanuel
Veni, veni Emmanuel!
Captivum solve Israel!
Qui gemit in exsilio,
Privatus Dei Filio.
Gaude, gaude, Emmanuel
Nascetur pro te, Israel.
Veni, o Sapientia,
Quae hic disponis omnia,
Veni, viam prudentiae
Ut doceas et gloriae.
Gaude, gaude, Emmanuel
Nascetur pro te, Israel.
Veni, veni Adonai!
Qui populo in Sinai
Legem dedesti vertice,
In Maiestate gloriae.
Gaude, gaude, Emmanuel
Nascetur pro te, Israel.
Veni, o Jesse vergula,
Ex hostis tuos ungula,
De specu tuos tartari
Educ et antro barathri.
Gaude, gaude, Emmanuel
Nascetur pro te, Israel.
Veni, Clavis Davidica,
Regna reclude caelica,
Fac iter tutum superum,
Et claude vias inferum.
Gaude, gaude, Emmanuel
Nascetur pro te, Israel.
Veni, veni o Oriens!
Solare nos adveniens,
Noctis depelle nebulas,
Dirasque noctis tenebras.
Gaude, gaude, Emmanuel
Nascetur pro te, Israel.
Veni, veni, Rex gentium,
veni, Redemptor omnium,
Ut salvas tuos famulos
Peccati sibi conscios.
Gaude, gaude, Emmanuel
Nascetur pro te, Israel.